Etha is gebore in Caledon en het toe al vir haar ma en tannie konsert gehou soos sy gedink
het konserte moet wees. Vandag volg sy nog steets haar eie kop wanneer dit by vermaak
kom en dit is moontlik die geheim agter haar groeiende suksesvolle musiekloopbaan.

Nadat Etha haar studies voltooi het aan die Strand is sy met 'n kop vol planne Pretoria toe
met die doel om 'n loopbaan te vestig in die besigheidswêreld. Wie sal ooit 'n CD-opname
ooreenkoms kry sonder om een noot te sing. Ja, Etha! "Hulle het vir my gevra of ek sing
want my praatstem……." So het Etha 'n paar note vir die ouens gesing en toe sy weer
haar oë uitvee stel sy haar eerste CD by die KKNK 2000 vry.



Haar unieke stem en sangstyl het gou-gou 'n aanvraag laat ontwikkel vir die opneem van
nog CD's en daarom die nuwe CD wat weereens die lig gesien het by KKNK April 2006.
Etha het 'n spontane persoonlikheid en die vermoë om mense waarlik te kan "entertain".
Sy is bekend daarvoor om kronings met groot sukses aan te bied. Daar is ook altyd 'n groot
aanvraag vir haar om as MC by geleenthede op te tree.

Etha het intussen verhuis na die Kaap, vanwaar sy haar toere en vertonings deur die land
beplan en onderneem. Sy was ook deel van die "Maak 'n Las" Reproduksiespan wat
nasionaal opgetree het by verskeie geleethede, skoue, feeste om 'n paar te noem.
Agri-Expo Suid-Afrika (Kaap) het Etha op hulle lys as goedgekeurde kunstenaars vir
landbouskoue.

Verder was Etha ook die enigste goedgekeurde sangeres om op te tree by die "Qutar-Summer Festival" in Doha ('n Arabiese land) Julie 2003 waarby Suid -Afrika een van die 16 lande uitgemaak het. Die betrokke fees was vir 'n maand en is ook nasionaal gebeeldsend.
"Qutar het my baie goed ontvang en dit was 'n eer om my land te verteenwoordig."

Musiek resente soos CJ (die loslit DJ), Merwin (Rapport), Mariana Malan (Die Burger)
asook die musiektydskrif Vonk om slegs 'n paar te noem, het al telke maal na haar verwys
as die "gehoorgees- bousangeres".

Etha het ook al haar verskyning op die kassie gemaak in programme soos onder andere
Kyknet se Fiesta, Belboks en Maak 'n Las .

Etha hou daarvan om met mense te werk en pas graag aan by haar gehore se behoeftes op
haar manier. Sy sing ritmiese, kommersiële langarm dans musiek wat byval sal vind by
enige tipe gehoor. Haar vertonings loop oor van energie en 'n kinderlike passie vir die
lewe, mense en musiek!