Man op die maan L.Ferreira

Fluister vir my saggies
Fluister vir my teer
Al jou hartsgeheime
in jou gister gekamoefleer

Sê vir my jy luister
Sê dat jy verstaan
En dat jy hom sal vervang;
Die skim man op die maan



Laat my saggies wegsink
in jou hart se melodie
Laat my sweef na beter dae
deur jou sielsmusiek

Skryf vir my kwatryne
koeplette en lirieke
Skryf vir my jou strofes en
verse en rubrieke

Skryf dit in die nat sand
Skryf dit in die Lug
Skryf dit in my ope hand
of skryf dit op my rug

Maar liefling asseblief tog skryf net
Skryf dit neer vir my

Sodat die woorde wat ek lees
'n bêre plek kan kry

Dan sal ek dit toevou
hier diep binne my hart
En dit altyd met my saamdra
deur die paaie wat ek vat

En dan sal ek jou verse
waarookal ek gaan
opdra aan die skim man
die skim man op die maan.